Nagpabiling numero uno ang “One Asenso” Misamis Occidental sa nagpadayong Northern Mindanao Regional Athletic Association (NMRAA) Meet 2026 human kini mikablit og dako nga labaw sa tibuok medal tally base sa pinakaulahing report karong adlawa.
Sa kasamtangang datus, ang Misamis Occidental mitala na og kinatibuk-ang 184 ka medalya, nga gilangkuban sa 63 ka bulawan (gold), 62 ka pilak (silver), ug 59 ka bronse (bronze). Kini nga kadaugan nagpamatuod sa hugot nga pagpangandam sa maong delegasyon aron depensahan ang ilang garbo sa rehiyon. Nagsunod sa ikaduhang pwesto ang Misamis Oriental (MisOr Masters) nga adunay kinatibuk-ang 141 ka medalya (40 Gold, 42 Silver, 59 Bronze).
Samtang hugot usab ang pakigbisog sa Cagayan de Oro (Risers) nga anaa sa ikatulo nga pwesto nga dunay 136 ka medalya, diin gipakita nila ang ilang kusog sa silver medals nga niabot na sa 54.
Ang Iligan City Voltz ug Valencia City D’ Millers maoy mikompleto sa Top 5, samtang ang delegasyon sa Bukidnon anaa karon sa ika-unom nga pwesto.
Subay niini, wala gihapon malikayi sa pipila ka mga atleta ang hagit sa klima ning dakbayan diin padayon nga giatubang sa mga magdudula gikan sa nagkadaiyang delegasyon. Matud ni Allen Rose Estudillo, Volleyball boys coach secondary sa team Bukidnon, nasakinati gihapon og mga hagit sa klima ang mga atleta gumikan naglisod matud pa makapasingot taliwa sa hugot nga pagbansay.
Apan bisan paman niini, malipay kini sa resulta sa mga atleta gumikan nakaabot kini sa finals fro championship human sa hugot nga pagpangandam uban sa suporta sa ilang principal ug mga kaubanan.