Gipalapdan sa Bukidnon Treatment and Rehabilitation Center (TRC) ang serbisyo sa mga pasyente nga naay substance use disorder, ug giila kini isip numero unong TRC sa Pilipinas base sa performance ug human rights compliance.
Matod ni Dr. Vincent Mari Angelo Laguardia, ang Bukidnon TRC nagsugod sukad 2018, nag-independent sukad 2022, ug karon adunay 300 ka bed capacity, pero nag-admit lang og 80 ka pasyente tungod sa limitado nga resources.
Ang mga severe cases ginapahimutang sa residential treatment sulod 6 ka bulan hangtod 1 ka tuig, samtang ang dili severe ginahatagan og intensive outpatient services. Sukad 2022, daghan na ang nakahuman sa programa ug nadawat ang facility og commendation sa CHR ug pag-apruba sa DOH USEC Escolango.
Gipadayag ni Dr. Laguardia nga padayon ang Bukidnon TRC sa paghatag og kalidad nga rehabilitation services ug pagpalapad sa serbisyo sa mas daghang pasyente.