Padayon nga gisisiguro sa Bukidnon Police Provincial Office ubos sa pangulo ni PCol. Oliver Sotto Navales, Officer-in-Charge sa BukPPO, ang kaluwasan, kahusay, ug kalinaw sa tibuok lalawigan sa Bukidnon pinaagi sa kampanyang “Ligtas UNDAS 2025”.
Atol sa checkpoint ug site visitation, personal nga gibisita ni PCol. Navales, ang operational readiness, deployment, security measures, ug preparedness sa mga kapulisan aron maprotektahan ang katawhan, masiguro ang hapsay nga trapiko, ug matubag dayon ang mga panginahanglan sa publiko.
Lakip sa gibisita niini ang Shepherd’s Meadow Memorial Park sa Barangay Sumpong, Malaybalay City, ug ang Public Cemetery sa Purok 5, Poblacion Norte, Don Carlos.
Gisusi usab niini ang Lake Panimaloy sa Don Carlos ug ang Barangay Poblacion Public Cemetery sa Kitaotao, diin nagpabilin nga alerto ang mga personahe sa pagpangbantay.
Gipahigayon usab ni PCol. Navales ang checkpoint visitation sa Barangay Bagong Silang, Kitaotao, ug camp visitation ug talk-to-men session sa mga personahe sa Bukidnon 2nd Provincial Mobile Force Company aron mapaligon ang disiplina ug koordinasyon sa operasyon.
Gibisita usab sa opisyal ang Don Carlos Municipal Police Station, ingon man ang mga sementeryo sa Barangay Poblacion ug Kiburiao sa Quezon, aron masiguro ang presensya sa kapulisan sa tanang lugar kon place of convergence.
Kini isip kabahin sa padayon nga paningkamot sa BukPPO nga mapatuman ang hapsay, malinawon, ug luwas nga pag-obserba sa Undas sa tibuok lalawigan sa Bukidnon.