Hugot nga gipangandaman karon sa probinsya sa Bukidnon ang umaabot nga Northern Mindanao Regional Athletic Association (NMRAA) Meet 2026.
Kini nga dakong kalihokan nga pagatambongan sa 11 ka mga delegado gikan sa nagkalain-laing mga lungsod ug probinsya sa tibuok rehiyon sa Northern Mindanao.
Isip host sa maong athletic meet, gipahigayon ang ikaupat nga hugna sa koordinasyon sa Conference Room sa Provincial Planning and Development Office.
Matud ni Jun Cruz, Provincial Chair for the Events Committee, nagkatigum ang nagkalain-laing mga ahensya ug departamento sa lalawigan aron hisgutan ang kasamtangang kahimtang sa mga pagpangandam, ilabi na nga nagkaduol na ang pagpahigayon sa maong kompetisyon.
Lakip sa gihisgutan ang kalig-on sa seguridad, mga transportasyon, accommodation sa mga delegado, ug na ang medical response teams, mga logistics, mga traffic management, ug ang contingency plans sa mga pasilidad sa Bukidnon Sports and Cultural Complex.
Gani, usa sa gihatagan og konsiderasyon mao ang dugang mga pasilidad sa mga medical health alang sa mga delegates.
Subay niini,dili lang ang probinsya sa Bukidnon ang nangandam apan lakip usab ang mga deligado sa gikan sa Misamis Oriental diin ang unang natala nga naabot sa Bukidnon dala nag tinguha nga depensahan ang titulo isip over all champion sa milabayng tuig.