Hingpit nang andam ang probinsya sa Bukidnon alang sa labing dako nga sporting event sa rehiyon, ang Northern Mindanao Regional Athletic Association (NMRAA) Meet 2026, nga gikatakdang sugdan karong Marso 19 hangtud 24, ning tuig.
Kini ang unang higayon nga ang Bukidnon mahimong host sa maong kalihukan, diin gibana-banaang mukabat sa kapin 9,000 hangtud 10,000 ka mga atleta, coaches, ug officials gikan sa 11 ka delegasyon sa tibuok rehiyon ang magtapok sa dakbayan sa Malaybalay.
Kini ang gipadayag ni Ariel Montecalbo, DepEd Sports Coordinator.
Gipasigarbo niini ang bag-o ug moderno nga Bukidnon Sports and Cultural Complex atol sa usa ka bag-ohay lamang nga press briefing. Sumala pa ni Montecalbo, dako ang pagdayeg sa mga bisita ug mga atleta sa maong pasilidad, ilabi na ang athletics track nga iyang gihulagway nga “pang-SEA Games” ang kalidad.
Bisan pa man kon wala pa hingpit nga nahuman ang turnover sa tanang pasilidad ug aduna pa’y ginagmay nga mga amenities nga ginatrabaho, nakita na ang potensyal niini nga mahimong sentro sa dagkong mga kalihokan sa paugnat sa kusog.
Samtang laing bahin, subay sa maong kalihukan, nangabot na sa probinsya sa Bukidnon ang liboan ka mga atleta, coaches, ug mga opisyales gikan sa nagkalain-laing dapit sa Northern Mindanao sugod kagahapon hangtud karong adlawa alang sa gihulat nga NMRAA Meet 2026.
Isip host karong tuiga, nidagsa na ang mga delegado sa probinsya gikan sa 11 ka Schools Division Offices. Usa niinin mao ang nagikan sa Iligan City diin matud ni Aimee Pareño, Assistant Chief sa School Governance Operations Division.
Gipaambit usab sa coach sa sepak takraw gikan sa delegasyon sa Iligan nga si Ichille Salva Mabao, Head Coach sa Sepak Takraw Boys Secondary, nakisinati og hagit sa klima ang ilang mga atleta gumikan sa katugnaw sa panahon.
Gisaysay niini nga nakuratan matud pa sila sa kasinatian ug naglisod pa og adjust hangtud karun.