Nakaplagan ang mga barkong panggubat ug mga fighter jet sa Amerika duol sa Iran.Kini taliwala sa pressure sa US sa maong Islamic country may kalabutan sa ilang military program ug sa bag-ohay lang nga duguong crackdown batok sa mga nagprotesta.
Lakip sa nakit-an duol sa Iran mao ang US aircraft carrier nga USS Abraham Lincoln. Kini ang nanguna sa usa ka strike group nga dunay tulo ka guided missile destroyers ug 90 ka aircraft, lakip na ang mga fighter jet.
Una nang nareport nga gipadala kini sa Gulf region niadtong ulahing bahin sa Enero, apan karon pa lang kini nakit-an sa satellite imagery. Bisan tuod nakaplagan na ang lokasyon niini sa kadagatan sa Oman.
Gibanabana nga anaa pa kini sa 700 ka kilometro ang distansya gikan sa Iran.Gipahibalo usab sa US nga ilang gipadala ang USS Gerald R. Ford, ang kinadak-ang barkong pang-gubat sa tibuok kalibutan, paingon sa Middle East. Gipaabot nga moabot kini sa maong rehiyon sulod sa mosunod nga tulo ka semana.