Nagpabiling lig-on ang buffer stock sa bugas sa Pilipinas bisan pa sa epekto sa giyera sa Middle East sa global nga negosasyon, sumala sa National Food Authority (NFA).
Matud ni Larry Lacson nga bisan maapektuhan ang rice trade, labi na sa mga nasud nga nag-angkat sama sa Pilipinas, padayon nga lig-on ang imbentaryo sa bugas aron matubag ang panginahanglan sa katawhan.
Sa datos sa ahensya, adunay kapin 2.6 milyon ka sako sa milled rice nga anaa sa stock house, diin 600,000 ka sako ang gigagahin na alang sa mga nakadaog sa auction ug duha ka milyon ka sako ang gitagana alang sa publiko ug panginahanglan sa gobyerno.
Mukabat usab sa walo ka milyon ka sako ang kinatibuk-ang buffer stock sa NFA, nga katugbang sa 10.3 ka adlaw nga supply sa nasud. Gipasabot usab nga dili pa apil niini ang umaabot nga local harvest ug ang stock sa mga rice traders.