Miabot na sa 90% ang narelease matud pa gikan sa 2025 National Budget sigon sa Department of Budget and Management.
Ang maong porsyento katugbang sa P6.326 trilyones, kini human gikataho sa datos sa Department of Budget and Management (DBM) sa bulan sa Abril, adunay P5.66 trilyones na ang na-release o 89.5% sa total nga budget, mas taas tandi sa 86% sa samang panahon niadtong milabayng tuig.
Sa ilawom sa 2025 General Appropriation Acts o GAA, 93.2% sa pondo alang sa mga departamento ang gipagawas, samtang 52.6% sa special purpose funds ug 89.9% sa automatic appropriations ang na-release na.
Gipagawas na usab ang pondo alang sa national tax allotment, block grants, pensyon sa mga kanhing presidente, ug retirement sa mga empleyado sa gobyerno.
Samtang P6.27 bilyon sa unprogrammed funds ang gitagana alang sa National Food Authority, ug P1.41 bilyon alang sa foreign-assisted projects sa MMDA, DOH, DOTr ug PCC.
Kabahin niini,adunay mulo nga gipaabot ang katawhan, nga inay ipagawas ang pondo sa nasud ang tutukan, nanghinaot ang katilingban nga walaon ang pipila ka mga gipahamtang nga buhis sa mga palaliton ug mga bayrunon.