Gipasaka sa Bangko Sentral ng Pilipinas (BSP) ang limit sa cash withdrawal nga nanginahanglan og mas strikto nga pagsusi o enhanced due diligence (EDD) ngadto na sa PHP1 milyon gikan sa kanhi PHP500,000.
Tumong sa BSP nga paspason ang mga lehitimong transaksyon sama sa payroll, loan, ug uban pang project-based disbursements nga sagad molapas sa karaan nga limit.
Bisan pa niini, ang mga withdrawal nga molapas sa PHP1 milyon kinahanglan na nga mopresentar og ebidensya sa katinuoran sa transaksyon aron malikayan ang money laundering.
Dugang niini, gihatagan gihapon og kagawasan ang mga bangko ug pinansyal nga institusyon sa pagpaubos sa maong limit base sa ilang kaugalingong risk assessment sa kustomer.
Para usab sa mga negosyante nga kanunay mokuha og dagkong kantidad, ang EDD ipatuman na matag kustomer ug dili na matag transaksyon aron dili kini makabalda sa dagan sa ilang negosyo.