VALENCIA CITY – Patay ang usa ka 41 anyos nga lalaki human kini miambak sa hanging bridge sa Purok 12, Barangay Lumbayao, Valencia City, pasado alas 8:00 kagabii, Pebrero 25.
Base sa report ang biktima residente sa Barangay Managok, Malaybalay City ug anaa lamang sa dapit aron mubisita sa iyang mga paryente.
Nakit-an sa mga nag-roving nga Barangay Police Action Team (BPAT) ang biktima nga gawas sa pag-ambak niini sa tulay, aduna pay gihikot nga tirewire sa liog niini.
Sa pagkakaron, padayon pa ang imbestigasyon sa mga otoridad aron masuta ang tinuod nga rason sa insidente ug kon aduna bay foul play nga nalambigit sa kamatayon sa biktima.
Kahinumduman nga dili lang kini ang una nga insidente nga dunay nag hunos sa kinabuhi sa tulay diin ning bulan nakaplagan usab ang usa ka babaye nga miambak sa Atugan Bridge didto sa lungsod sa Impasug-ong.