Nakadawat ang usa ka football star human kini og kapin $1.14 bilyon o gibanabana nga P64.6 bilyones gikan sa usa ka tawo nga wala niya personal nga naila.
Sumala sa report, ang Brazilian football superstar nga si Neymar Jr. ang giila nga nag-inusarang manununod sa usa ka bilyonaryo nga wala pa niya maila.
Ang naghatag nga wala ginganlan nga bilyonaryo nga walay manununod, busa gipili niya si Neymar nga makadawat sa tibuok niyang bahandi nga gisulod sa iyang last will and testament.
Sa maong dokumento, giklaro sa bilyonaryo nga gipili niya si Neymar tungod sa personal niyang pag-idolo sa atleta, bisan pa nga wala sila nagkailhanay.
Ilabi na niyang gidayeg ang suod nga relasyon ni Neymar sa iyang amahan, nga nagpahinumdom kaniya sa iyang kaugalingong relasyon sa iyang namatay nga amahan.
Wala nagpagawas og pamahayag si Neymar kabahin sa maong isyu. Bisan pa man nga adunay na siya net worth nga gibanabana og $300 milyon, ang wala damha nga panulondon mas mipadako pa sa iyang bahandi.
Ang maong panulondon naglakip og lain-laing mga kabtangan, lakip ang mga property, investment, ug shares sa pipila ka kompanya.