Usa sa ka batan-ong lalaki ang nireklamo kalabot na sa giingong pagpangdapat sa usa ka miyembro sa Barangay Public Safety Officer (BPSO) sa Barangay 9, Malaybalay City.
Matud sa bantan-ong lalaki nga si Nathaniel Arsena, gisaysay niini nga samtang nagtaod og net sulod sa Covered Court ang iyang amigo, kalit lang kini gihapak sa usa ka miyembro sa BPSO. Gihimug-atan niini nga ipapahawa lamang sila og insakto inay nga dapatan.
Tungod niini gitawag ni kapitan sa maong barangay ang hepe sa BPSO aron tubagon ang maong isyu.
Nunot niini, niatubang ang hepe sa BPSO nga si alyas Onyot, ug giklaro nga wala matud pa gidapatan ang maong batan-on.
Gipasiugda niini nga mamahimong rebyuhon ang mga CCTV camero sa maong dapit aron matino ang kamatuoran.
Apan hingpit nga gipsindan-an sa kapitan ang maong BPSO nga manubag kini sanglit mapatud-an nga gidapatan niini ang usa sa mga batan-on sa maong lugar dulaanan.
Gipamatud-an usab kini sa kaubanan niining BPSO nga walay kamatuoran ang maong pasangil ug posibleng nasayop lamang pagsabot ang mga batan-on sa maong lakang sa hingtundan sa maong covered court human kini gipapahawa samtang nagtaod og net.
Samtang atol sa press conference niadtong Lunes, gitubag ni Kapitan Dexter Gamo ang maong isyu ug iyang gipasabot ang tinuod nga nahitabo sa covered court sa Purok 5, sa maong barangay.