Gikatakdang mopahigayon og botohay ang House Committee on Justice karong Miyerkules, Pebrero 4, aron desisyunan kung duna ba’y “sufficiency in substance” ang duha ka impeachment complaints nga gipasaka batok kang Pangulong Ferdinand Marcos Jr.
Kini human gideklarar sa komite nga “sufficient in form” ang maong mga reklamo sa gipahigayon nga deliberasyon niadtong Martes. Matud ni Committee Chairperson Rep. Gerville Luistro, hatagan og igatong panahon ang mga miyembro sa komite sa pagtuon sa mga ebidensya ug alegasyon sa dili pa ang nakatakdang botohay ugma.
Kon mapatunayan sa komite nga “sufficient in substance” ang mga reklamo, mopadayon ang proseso ngadto sa pagdeterminar sa “probable cause.” Apan kung mapakyas kini sa pagkuha og igong boto, ang maong mga impeachment complaints i-dismiss o ibasura sa komite.