Dili lamang kinumo sa boxing ring milupad sa Madison Square Garden kondili lakip na usab ang wig sa heavyweight contender nga si Jarrell “Big Baby” Miller.
Taliwala sa mainit nga bakbakan batok kang Kingsley Ibeh, nasundan og sunod-sunod nga kinumo ang ulonga bahin ni Miller nga hinungdan sa pagkahulog sa iyang hairpiece.
Imbis nga maulawan, gikataw-an na lamang kini sa 37-anyos nga boksingero. Gikuha niya ang wig sa salog sa ring, ug gilabay ngadto sa audience.
Sa usa ka post-fight interview, gipasabot ni Miller nga aksidente niyang nagamit ang shampoo nga adunay ammonium bleach didto sa balay sa iyang inahan duha ka adlaw sa wala pa ang away niini.
Busa, nangalabnot matud pa ang buhok niini busa napugos siyang magsul-ob og wig. Sa katapusan, nasakmit ni Miller kadaogan pinaagi sa split decision.