Gipahayag sa Department of Information and Communications Technology (DICT) nga ang paggamit sa blockchain-powered transparency system sa nasudnong budget makatabang sa pagsumpo sa korapsyon ug kawat sa pondo sa gobyerno.
Matod ni DICT Secretary Henry Aguda, ang Pilipinas mao ang unang nasud nga mogamit sa maong teknolohiya alang sa national budget, sumala sa direktiba ni Presidente Ferdinand Marcos Jr.
Gipasabot ni Aguda nga ang sistema maghatag og permanenteng digital record sa tanang proseso sa budget—gikan sa pag-apruba, allocation, hangtod disbursement ug reporting—nga dili na mausab o manipulahon. Tungod niini, mas sayon na alang sa katawhan ang pag-verify sa opisyal nga rekord ug mas lig-on ang accountability sa paggasto sa pondo sa gobyerno