Subling natala kagahapong adlawa ang kinagamyan nga bili sa piso sa kasaysayan human kini nagsira sa P60.74 kada US dollar. Mas ubos kini kompara sa nangaging record nga P60.69.
Sumala sa mga analyst, ang padayon nga pagkunhod sa piso tungod sa nagkagrabe nga tensyon sa Middle East nga nahimong hinungdan usab sa pagsaka sa presyo sa lana sa tibuok kalibutan.
Tungod niini, nagpabilin ang presyur sa lokal nga currency samtang nagkakusog ang demand sa US dollar isip “safe-haven” nga kwarta sa panahon sa global nga kakuwang sa kasegurohan.
Kini nga sitwasyon naghatag og kabalaka sa ekonomiya samtang ang mga negosyante ug investors mas nipili nga mogamit sa US dollar isip luwas nga pundong kwarta taliwala sa kawalay kasegurohan sa dagan sa kalibutanon nga merkado.