Nakatala og bag-ong record ang piso nga miabot sa P60.100 matag US dollar sa pagsira sa trading kagahapong adlawa, nga mao na ang pinakahuyang antas niini sa kasaysayan.
Narehistro usab ang intraday low nga P60.4 ug average nga P60.161, human magsugod sa P59.9 ang opening rate.
Sumala sa mga analyst, tungod kini sa padayong pagsaka sa presyo sa lana sa kalibutan ug sa tensyon sa Middle East.
Ning kusog usab ang dolyar tungod sa pagbalhin sa mga investor ngadto sa mga safe-haven assets.
Gipahayag sa Bangko Sentral ng Pilipinas (BSP) nga padayon nilang gibantayan ang sitwasyon ug andam silang mo-intervene kung kinahanglan.
Nagpasidaan ang ekonomista nga si Prof. Emmanuel Leyco nga ang huyang nga piso makapadugang sa presyo sa mga imported nga produkto, labi na ang petrolyo.
Tungod niini, gilauman nga mosaka pa ang inflation kung magpadayon ang pagkunhod sa bili sa piso batok sa dolyar.