Gikondena sa mga biktima sa war on drugs ang mga negatibong akusasyon nga ang pagbiyahe sa Netherlands aron sa pagtambong sa pagdungog sa ICC gikan sa kwarta sa nasud kon buhis sa katawhan.
Gihimakak sa mga biktima sa drug war ang pasangil nga ang pagbyahe sa The Netherlands aron pagtambong sa confirmation hearing ni kanhi Presidente Rodrigo Duterte gikan sa panudlanan sa gobyerno ug gipundohan sa mga rebeldeng komunista.
Matud ni International Criminal Court kon ICC Assistant to Counsel Kristina Conti, ang tanan nga non-government organizations ug pribado nga mga indibidwal nga nagsuporta sa hustong administrasyon sa balaod ang nitabang sa pagbyahe sa mga biktima.
Giklaro niini nga wala’y kwarta gikan sa katawhan aron pondohan ang mga biktima.
Dugang pa niini, nga daghan ang misuporta kanila tungod mga biktima kini ug nangita og hustisya.
Samtang, gipasabot usab ni Atty. Conti, kung unsa ang mahitabo sa 4-day confirmation of charges hearing diin gikaingong argumento kini sa prosekusyon, depensa ug sa mga biktima kalabot sa scope sa kaso.
Lakip niini kung unsa ang kaso nga kinahanglang aprobahan sa pre-trial Chamber batok kang kanhi Presidente Duterte.Â
Sa laing bahin, si Jane Lee, asawa sa biktima sa Extrajudicial killings kon EJK nga si Michael Lee, gibutyag nga nadismaya kini tungod gusto matud pa niini nga personal nga atubangon ug madungog ni Duterte ang nahitabo karong adlawa sa pagdungog sa ICC.