Nakadawat og 28 ka radio challenges gikan sa usa ka barko sa China ang Philippine Coast Guard kon PCG ug Bureau of Fisheries and Aquatic Resources kon BFAR .
Kini nahitabo samtang ang BFAR ug PCG nagpahigayon og Maritime Domain Awareness kon MDA flight sa Bajo de Masinloc kaniadtong Biyernes.
Matud sa PCG, nagkanayon nga migamit kini og BFAR aircraft aron makadawat og radio challenges gikan sa Peoples’ Liberation Army-Navy ship sa lugar nga 81.42 nautical miles sa amihanan-sidlakan sa Bajo de Masinloc.
Nakit-an usab sa PCG ang duha ka boya nga gipanag-iya sa China duol sa Bajo de Masinloc ug usa ka fighter jet.
Ang nasangpit nga eroplano nagbuhat og pagmaniobra pasado alas 10:30 sa buntag sa gihabogon nga gibana-banang 6,000 feet.
Gitubag sa PCG ang radio challenges diin ang mga MDA flights subay sa international law.
Masaligon ang PCG nga ipadayon ang pagpahigayon sa maong regular nga MDA alang sa kaluwasan sa mga mangingisda nga Pilipino ug lakip na sa soberanya sa Pilipinas.