Kinsa man ang magtuo nga ang bato sa apdo sa baka o cow gallstones mas mahal pa kaysa bulawan?
Giisip karon kini nga usa sa pinakamahal nga commodities sa kalibutan tungod sa padayon nga pagsaka sa demand gikan sa Mainland China ug Hong Kong.
Sumala sa mga report, ang mga migahi nga digestive fluids sa baka gamiton sa traditional Chinese medicine aron tambalan ang seryosong sakit sama sa stroke, hypertension, ug uban pang cardiovascular diseases.
Nailhan kini sa ngalan nga “Niu Huang.”
Niadtong 2025, misaka ang presyo niini ngadto sa $5,800 kada ounce o kapin ₱324,000. Ang nag-unang hinungdan sa kamahal niini mao ang kakulang sa suplay.
Kasagaran, ang bato sa apdo mabuo lamang kung tigulang na ang baka, apan kadaghanan sa mga slaughterhouse mas gustong katayon ang baka nga bata pa aron mas nindot ang kalidad sa karne ug mas paspas ang produksyon.
Tungod sa taas kaayong presyo niini, misulod kini sa black market, ug misamot ang kawat ug smuggling sa mga nasod sama sa Brazil, Australia, ug United States.
Sa São Paulo sa Brazil, adunay mga armadong grupo nga mangawat sa gallstones sa baka.
Aron matubag ang kakulang sa suplay, nakahimo ang mga Chinese researchers og synthetic o lab-grown nga alternatibo nga maka-awat sa epekto sa tinuod nga gallstones.
Bisan pa niini, adunay mga report gikan sa Russia nga nagsulti nga bisan ang bato sa apdo sa tawo (human gallstones) adunay taas nga demand sa China.
Sumala sa report, ang usa ka piraso mahimo ibaligya og hangtod $1,270 o mga ₱71,000, depende sa kadako ug kalidad niini.