Nagpadayon ang imbestigasyon sa kapulisan sa Malaybalay City Police Station kabahin sa insidente sa pagpanunggab nga nahitabo sa Sayre Highway, Brgy. Patpat, ning syudad, pasado alas-2:47 sa kaadlawon ning adlawa, Disyembre 4, 2025.
Sa eksklusibong pakighinabi sa Bombo Radyo Malaybalay kang PCpt. Sheila Joy Hangad, tigpamaba sa Bukidnon Police Provincial Office, gibutyag niini nga ang maong insidente sa pagpangdunggab nahitabo samtang nagpahigayon ang kasadya sa pista sa barangay sa maong lugar.
Giila ang biktima nga si alyas “Ton-Ton”, 19-anyos samtang ang suspetsado usab giila nga si alyas “Bugoy”.
Base sa inisyal nga imbestigasyon, samtang nagsayaw ug naglingaw-lingaw, adunay init nga panaglalis tali sa biktima ug grupo sa suspetsado, ug gikatahong langgo sa ilimnong makahubog.
Gikaingong gisumbag matud pa sa biktima ang usa ka kauban sa suspek hinungdan nga gilakag kini ug gidunggab sa tuo nga bahin sa likod ug daling miikyas.
Dali usab gihatod ang biktima sa sa balay tambalanan og kasamtangang nagpadayon sa pagpaalim.
Mipahigayon gilayon ang Malaybalay City Police Station ang hot pursuit operation lakip ang pagbutang og mga checkpoint aron masikop ang suspetsado.