Gialimahan ug anaa na sa luwas nga kahimtang sa Bukidnon Provincial Medical Center ang usa ka bag ong himugso nga batang babaye nga gitouhang gilabay human kini nakaplagan sa mga kabatan-unan nga nag-camping sa Center for Ecological Development And Recreation kon CEDAR, Barangay Impalutao Impasug-ong, Bukidnon.
Ang bata duna pay pusod ug walay hapin ug gilamigas na sa dihang nakit-an.
Kahinumduman nga gibutyag ni Sharon Pandong, nirescue sa bata, dunay nitanyag sa paghatag ug gatas nga usa sab ka inahan nga giilang si Rhea Jane Donasco gumikan nalooy matod pa kini sa bata.
Matud pa ni Donasco, gituyo niini nga adtoan ang bag-ong himugso nga batang babaye alang sa paghatag sa breastmilk mahitungod isip usa ka inahan, gikasubo niini ang maong panghitabo ug mitulo ang luha niini sa pagkakita sa bata.
Mipaabot usab kini sa labawng makagagahom nga dunay nakakita sa bata.
Mipahayag usab kini sa gibati nga kapungot sa ginikanan sa bata ug miluwat sa istorya nga walay puangod ang inahan sa bata. Nanghinaot usab kini nga madutlan matud pa og konsensya ang mga nagbuhat niini.