Gipasanginlan sa grupo nga Freedom Flotilla Coalition ang Israel isip responsable sa drone attack sa ilang barko nga nagdala unta og pagkaon padulong sa Gaza. Sumala sa grupo, ang ilang barko naigo sa drone samtang anaa kini sa international waters nga sakop sa Malta.
Nadaot ang ilang barko nga gitawag og The Conscience, apan luwas ang tanang sakay niini. Wala usab nakatala ang gobyerno sa Malta og namatay tungod luwas ang tanang pasahero sa barko.
Kauban sa sakay sa maong barko ang iladong aktibista nga si Greta Thunberg nga dunay kinatibuk-ang 12 ka crew ug 30 ka aktibista nga sakay sa barko.
Plano sa NGO nga ipatawag ang mga ambassador sa Israel aron manubag sa ilang paglapas sa international law ug sa iligal nga pagpugong o pagharang og mga sakyanang pangdagat.