Barangay tanod, gipusil patay sa Cabanglasan, Bukidnon!

Patay ang usa ka tanod sa Barangay Iba, Cabanglasan human gipusil pasado alas 11:45 sa buntag ning adlawa.

Giila ang biktima nga si Renie Lacson, 53 anyos, usa ka barangay tanod, residente sa Purok-15, Iba, Cabanglasan, ning lalawigan.

Base sa impormasyon nga nakalap sa Bombo Radyo Malaybalay, ang biktima nakaangkon ug mga samad pinusilan sa iyang lawas gamit ang wala pa matino nga klase sa armas.

Nasayran nga nga kalit lamang gipusil si Lacson sa mga suspek nga sakay sa motorsiklo.

Sa pagkakaron, nasikop sa kapulisan ang usa sa mga suspek atol sa gipahigayon nga hot pursuit operation sa mga personahe sa Cabanglasan Municipal Police Station, samtang padayon pang gipangita ang laing suspek sa maong krimen.