Mipagawas og memorandum ang lungsod sa Malitbog, Bukidnon, inubanan sa nagkalain-laing ahensya sa gobyerno, batok sa bandidong grupo nga New People’s Army.
Ang katawhan sa Bukidnon, dunay hiniusang suporta ug maisugon nga gitawag nga berdugo ug mapahimuslanon ang grupong New Peoples Army.
Lakip sa memorandum, ang pagpahigayon og condemnation rally diin gisunog ang bandila sa NPA, kabahin sa pag-deklara og Persona Non Grata sa mga miyembro sa bandidong grupo.
Dugang usab sa Indigenous People community sa Lamahan, Malitbog, nga nisalmot kini sa condemnation rally aron makakuha og hustisya ug mapakgang ang mga historical injustice nga gibuhat sa bandidong grupo sa ilang komunidad.
Pinaagi sa pagpahunong sa aktibidad sa NPA, maprotektahan ang mga sibilyan, hilabina ang mga lumad ug kabus.
Ang armadong pakigbisog usa ka babag sa malungtaron nga kalambuan, walay kalinaw, ug kanunay anaa sa risgo sa seguridad sa katawhan ug sa nasud.