Niluwat og panabang sa kapulisan ang sikat nga American boxer nga si Ryan Garcia human gisulayan og sulod sa wala mailhing mga suspetsado ang iyang panimalay didto sa Los Angeles.
Matod sa report, daling miresponde ang mga otoridad sa dapit, apan wala na maabti ang mga suspek nga daling nakaikyas sa wala pa moabot ang kapulisan.
Gituohan nga tinguha sa mga suspetsado ang pagpangawat sulod sa maong panimalay.
Kini nga insidente usa lamang sa sunod-sunod nga mga kawat ug pagsulay og kawat nga nahitabo karon sa Los Angeles.
Kahinumduman nga gawas kang Garcia, nabiktima usab kaniadto ang magduduwa sa LA Dodgers nga si Yoshinobu Yamamoto, kinsang balay gisuwayan usab og sulod sa mga kawatan.
Padayon pa ang gihimong imbestigasyon sa mga otoridad aron mailhan ug madakpan ang mga responsable.