Gi-lockdown sa gobyerno sa Bahrain ang pipila ka lugar human sa giingong pag-atake sa Iran nga nagtumong sa US Navy base, hinungdan sa grabeng kahadlok sa mga Overseas Filipino Workers (OFW) nga anaa sa maong nasud.
Sa pakighinabi sa Bombo radyo Mlaybalay kay Joy Arsenas, Bombo International Correspondent sa Bahrain nga lumad sa Kitaotao, Bukidnon, nadungog ug nakita mismo niya ang sunod-sunod nga pagbuto duol sa kampo sa United States Navy atol sa insidente
kahinumduman nga nahitabo ang insidente karong adlawa, diin giingong may kalabotan sa tensyon tali sa Iran ug Estados Unidos. Tungod niini, gipatuman dayon ang lockdown sa pipila ka lugar sa Bahrain.
Gikumpirma ni Arsenas nga mingaw ang kadalanan human gisirado ang tanang agianan, ug ang mga pulis lamang ang gitugotan nga makaagi isip kabahin sa seguridad.