Padayong nagkakusog ang Bagyong Basyang samtang naglihok paingon sa silangang bahin sa Mindanao.
Sa pinakaulahing taho, ang sentro sa bagyo gibanabanang anaa sa 440 kilometro silangan sa Hinatuan, Surigao del Sur.
Aduna kini kakusgong dala nga hangin nga muabot sa 65 km/h duol sa sentro, ug mabati nga hangin nga muabot sa 80 km/h.
Naglihok kini sa direksyong padulong sa west southwestward sa kusog nga 15km/h.
Ang kusog nga hangin nga dala sa bagyo muabot hangtod 300 kilometro gikan sa sentro.
Signal No. 2:
Mindanao: Surigao del Norte (lakip na ang Siargao ug Bucas Grande Islands), Surigao del Sur, amihanang bahin sa Davao Oriental (Boston), Agusan del Norte, Agusan del Sur, Misamis Oriental, amihanang bahin sa Bukidnon (Impasug-Ong, Manolo Fortich, Malitbog, Sumilao, Libona, Baungon, Malaybalay City, Cabanglasan), ug Camiguin.
Signal No. 1:
Visayas: Southern Eastern Samar, Southern Samar, Biliran, Leyte, Southern Leyte, Bohol, Cebu, Siquijor, Negros Oriental, Negros Occidental, Guimaras, Iloilo, Capiz, Southern Aklan, ug central ug southern Antique.
Mindanao: Dinagat Islands, Davao Oriental (gawas sa Boston), Davao de Oro, Davao del Norte, Davao City, ubang bahin sa Bukidnon, Northern Cotabato, Lanao del Sur, Northern Maguindanao del Norte, Lanao del Norte, Misamis Occidental, ubang bahin sa Zamboanga del Norte, Zamboanga del Sur, ug Northern Zamboanga Sibugay.