Bagyong Basyang, mipaspas ang lihok padung sa Mindanao; Signal No. 1, gipasaka sa Surigao

Nagpabiling paspas ang lihok sa bagyong Basyang samtang nagkaduol kini sa isla sa Mindanao. Tungod niini, gipailalom na sa Signal No. 1 ang tibuok probinsya sa Surigao ug uban pang bahin sa amihanang-sidlakang Mindanao.

Sumala sa taho sa PAGASA, gilauman nga magdala ang bagyo og kusog nga ulan ug hangin sa mga dapit nga maagian niini. Gipasidan-an ang mga residente, ilabi na kadtong nagpuyo sa mga dapit nga daling bahaon ug malandslidan, nga magbinantayon ug mangandam sa posibleng epekto sa bagyo.

Gimandoan usab ang mga gagmayng sakayan sa dagat nga dili una mopalawod tungod sa dagkong balod nga dala sa maong bagyo.