Naminusan na ang mga lugar nga ubos sa Signal Number 1 tungod sa paghinay sa bagyong Basyang.
Sumala sa datos sa Philippine Atmospheric, Geophysical and Astronomical Services Administration (PAGASA), namatikdan ang sentro sa bagyo sa Ayungon, Negros Oriental.
Adunay kini kusog sa hangin nga moabot sa 45 kilometros matag oras ug pagbugso hangtod sa 55 kilometros matag oras.
Ang mga lugar nga ubos sa Signal Number 1 naglakip sa Antique, Aklan, Capiz, Iloilo, Guimaras, Negros Oriental, Negros Occidental, Siquijor, Cebu, ug Bohol; Maasin City ug Marcohon sa Southern Leyte; San Isidro, Calubian, Leyte, Tabango, Villaba, Matag-ob, Kananga, Palompon, Isabel, Merida, Ormoc City, Albuera, Burauen, City of Baybay, Inopacan, Hindang, Hilongos, Bato ug Matalom sa Leyte; ug ang Cuyo ug Cagayancillo Islands.
Tungod sa hangin nga amihan, gilauman ang kusog nga hangin sa pipila ka lugar sa Luzon, Western Visayas, Negros Island Region ug Zamboanga del Norte.
Gilauman nga sulod sa 12 ka oras, mohinay pa ang bagyo ug mahimong low pressure area na lamang.