Nagpabilin ang kakusgon sa tropical depression Ada samtang kini hinay nga naglihok sa Philippine Sea.Nakit-an ang sentro sa bagyo sa sidlakang bahin sa Mindanao o 545 kilometros sa sidlakan sa Hinatuan, Surigao del Sur.
Dunay kakusgon sa hangin: 45 kilometros matag oras duol sa sentro diin moabot ngadto sa 55 kilometros matag oras.Naglihok kini sa kasadpan ngadto na sa amihanang direksyon nga 10 kilometros matag oras.
Tungod niini, gipataas ang tropical cyclone wind signal (TCWS) No. 1 sa musunod nga mga dapit: Sa Visayas: Northern Samar, Samar, ug Eastern Samar. Sa Mindanao: Dinagat Islands, Surigao del Norte ug Surigao del Sur.
Sumala sa forecast track sa state weather bureau (PAGASA), gilauman nga musubay ang bagyo sa amihanan-kasadpan nga direksyon sa mosunod nga tulo ka adlaw.Posible kining moagi o mag-landfall sa Eastern Visayas karong Biyernes (Enero 16) o Sabado (Enero 17) sa sayong buntag.
Human niini, gilauman usab nga moagi kini sa Catanduanes sa Sabado o Domingo (Enero 18).Sa paglabay sa maong mga adlaw, ang bagyo paingon sa amihanan-sidlakan ngadto sa kadagatan sa sidlakang bahin sa Luzon.