Mas nikusog na ug nahimo nang usa ka tropical storm ang kaniadto’y tropical depression nga si Bagyong Ada. Base sa pinakabag-ong report, ang sentro sa bagyo namatikdan sa gilay-on nga mga 400 kilometro sa sidlakan sa Surigao City, Surigao del Norte.
Nagdala ang bagyo og kusog sa hangin nga moabot sa 65 kilometro matag oras (km/h) duol sa sentro, ug adunay mga haguros sa hangin nga moabot hangtod sa 80 km/h.
Naglihok kini paingon sa amihanang-kasadpan (northwestward) sa kapaspason nga 15 km/h. Ang kakusgon sa hangin sa bagyo mikatag hangtod sa 400 kilometro gikan sa sentro niini, hinungdan nga nagdala kini og kusog nga kaayong hangin.
Tungod niini, gipataas ang Tropical Cyclone Wind Signal (TCWS) No. 1 sa mosunod nga mga lugar:
Luzon:
Sidlakang bahin sa Camarines Sur, Sorsogon, sidlakang bahin sa Albay (lakip ang Legazpi City ug Tabaco City), ug Catanduanes.
Visayas:
Northern Samar, Samar, Eastern Samar, sidlakang bahin sa Biliran, sidlakang bahin sa Leyte (lakip ang Tacloban City), ug sidlakang bahin sa Southern Leyte.
Mindanao:
Dinagat Islands, Surigao del Norte, ug Surigao del Sur.
Matod pa ni Engr. Chriz Perez, Assistant Weather Services sa DOST – PAGASA na posibline dili na kani mag landfall ang maong bag ong bagyo.
Gilauman usab nga anam-anam pang mokusog ang bagyo samtang naglihok kini sa Philippine Sea sulod sa sunod nga 48 oras, sa dili pa kini hinay-hinay nga mohuyang ug moliko paingon sa amihanan-sidlakan sa Catanduanes.