- Advertisement -
Nadakpan ang usa ka 38-anyos nga bag-ong nailhang tigpayuhot sa illegal nga droga sa buy-bust operation sa Dangcagan sayong buntag kagahapong adlawa.
Sumala sa kapulisan, gipahigayon ang operasyon sa Purok 5, Barangay Poblacion alas 3:44 sa buntag sa pakigtambayayong sa nagkadaiyang yunit sa kapulisan. Narekober gikan sa suspek ang kapin 0.719 gramos nga gituohang shabu nga nagkantidad og Php4,889, lakip ang buy-bust money, mga pakete sa droga ug motorsiklo nga gigamit.
Gidala na ang suspek sa estasyon sa pulisya alang sa hustong disposasyon samtang ipasailalom sa eksaminasyon ang ebidensya, ug giandam na ang kaso batok kaniya.
- Advertisement -