Naka-kustodiya na ang bag-ong nadiskubreng tigpayuhot sa droga human nakuhaan sa droga nga nagkantidad og kapin P150,960 sa Bukidnon Naka-kustodiya na ang usa ka suspetsado human masikop sa gihimong buy-bust operation sa Sitio Ulayan, Barangay Malinao, Kalilangan, Bukidnon.
Ang lalaki nga giila sa alyas “Kia,” 37 anyos, residente sa Taraka, Lanao del Sur, nakuhaan og tulo ka plastic sachet nga adunay gibana-banang shabu nga motimbang sa 22.2 gramos nga adunay drug price nga P150,960. Lakip sa nakumpiska gikan kaniya ang motorsiklo, cellphone, mga ID ug salapi nga gigamit sa transaksyon.
Kasong paglapas sa Article II, Section 5 ug 11 sa R.A. 9165 ang ipasaka batok sa suspetsado nga karon anaa sa kustodiya sa Kalilangan Municipal Police Station samtang gisumite na sa Provincial Forensic Unit sa Malaybalay City ang mga nakumpiskang ebidensya para sa eksaminasyon.