Gikumpirma sa Department of Justice (DOJ) nga adunay bag-ong sako nga narekober sa gipadayon nga search and retrieval operations sa Taal Lake.
Matud ni Secretary Jesus Crispin Remulla, ang nakuha sa Philippine Coast Guard naglangkob og labi sa tawo.
Dugang pa niya, ang narekober kagahapon sa padayon nga pagpangita ilawom sa maong lugar ang bukog sa tawo, lakip na ang ubang parti sa lawas, ulo ug ngipon.
Posible usab nga ang maong mga labi naggikan sa usa ka lawas sa usa ka tawo, apan kinahanglan pa kini nga ipa-ilawom sa eksaminasyon aron makumpirma.
Ang mga bukog karon anaa na sa crime laboratory alang sa pormal nga imbestigasyon.
Tungod niini, nagtuo si Secretary Remulla nga dako kini og ikatabang sa ilang imbestigasyon.
Misalig si Secretary Remulla sa mga impormasyon sa ilang testigo nga nagbutyag nga adunay mga nahibiling parti sa lawas ilawom sa Taal Lake.