Gikumpirma sa mga otoridad sa panglawas sa Bangladesh ang usa ka bag-ong kaso sa Nipah Virus (NiV) human nagpositibo ang usa ka pasyente sa maong makamatay nga sakit. Sumala sa report, ang pasyente gitoohang natakdan human nakainom og duga sa petsay (raw date palm sap) nga kontaminado sa ihi o laway sa mga kabog.
Ang Nipah Virus usa ka seryosong matang sa sakit nga naggikan sa mga mananap (zoonotic virus) nga mahimong hinungdan sa grabeng hilanat ug paghubag sa utok o encephalitis. Tungod niini, nagpagawas og pahimangno ang gobyerno sa Bangladesh sa ilang mga lungsoranon nga likayan ang pag-inom og duga sa kahoy nga wala maluto ug ang pagkaon sa mga prutas nga naay agi sa pinaakan sa mananap. Sa pagkakaron, hugot nga gimonitor sa mga medical experts ang maong dapit aron mapugngan ang pagkaylap sa virus.