Mas gipalig-on pa kapasidad sa emergency response sa Malaybalay City pinaagi sa bag-ong 55-seater bus nga gihatag sa City Disaster Risk Reduction and Management Office (CDRRMO), nga dili lang gamiton sa evacuation kundi mahimong mobile command post ug transportasyon alang sa mga disaster responders.
Gamit kini dili lamang sa panahon sa katalagman sama sa linog, sunog, o pagbaha, kundi ilawom usab sa mga simulation ug training exercises sa mga frontliners ug emergency personnel. Sumala ni CDRRMO Department Head Alan Julaily Comiso, ang bus mahimong gamitong panghatod sa mga responder ngadto sa mga critical areas sa syudad kung adunay krisis, lakip na ang pagpang-apod-apod og relief goods, gamit medikal, ug pagkaon ngadto sa mga evacuation centers.
Ang maong pamaagi usa ka inobatibong lakang nga nagpadayag sa paspas nga pag-evolve sa disaster response strategies sa Malaybalay — nga dili lang nakatutok sa pagluwas human sa kalamidad, kundi sa pag-andam, pagbansay, ug epektibong paglihok sa tanang panahon. Nagpakita kini sa tinuod nga kahulugan sa proactive governance diin ang tanang yunit sa lokal nga gobyerno nagtinabangay aron masiguro nga ang kinabuhi ug seguridad sa mga Malaybalaynon nga protektado sa tanang oras.