Nahimong sentro sa hisgutanan sa Thai social media ang 24-anyos nga si Nong Fah human niini giangkon nga dungan niyang hinigugma ang kaluha nga magsuon nga sila si Sing ug Suea.
Base sa report, nagsugod ang relasyon sa tulo dihang nagkaila sila sa usa ka restaurant diin nagtrabaho si Fah isip waitress.
Giingong nagbinuangay ang managsuon sa pagpangayo sa numero sa dalaga hangtod nga nagpadayon ang ilang komunikasyon pinaagi sa text.
Gibutyag ni Fah nga walay panagselos nga nahitabo tali sa magsuon tungod kay dawat sa duha ang sitwasyon ug pareho silang dunay lawom nga pagbati alang kaniya.Kasamtangan, unom ka bulan na nga nagpuyo sa usa ka balay ang tulo.
Bisan pa man sa daghang kritisismo gikan sa mga netizens, gipili sa tulo nga dili na lang panumbalingon ang mga negatibong komento ug ipadayon ang ilang talagsaong relasyon.