Nakadani sa atensyon sa publiko ang usa ka babaye sa China human siya malikay sa pagserbisyo sa iyang sentensiya sa prisohan, bisan og napamatud-ang sad-an siya sa kaso sa pagpanglimbong.
Giila ang babaye nga si Chen Hong, nga taga-probinsya sa Shanxi, ug gihatagan og upat ka tuig nga sentensiya pagkahuman siya gikonbikto niadtong Disyembre 2020.
Apan hangtod karon, wala pa siya mapaslak sa prisohan.
Ang hinungdan? Sa miaging upat ka tuig, tulo ka beses siyang nagmabdos.
Sumala sa balaod sa China, ang mga sentensiyado nga adunay seryosong medikal nga kondisyon lakip na ang pagmabdos og mahimo nga dili dayon mapaslak sa prisohan.
Mahimo usab silang gawasnon kung nag-atiman og gagmay’ng bata o dili makamao mag-atiman sa ilang kaugalingon nga mag-inusara.
Napamatud-an nga ang iyang ikatulo nga anak gihatag sa iyang bayaw, ug giangkon usab niya nga buwag na sila sa iyang bana aron ipakita nga siya ra ang nag-atiman sa unang duha ka anak.
Gisuspetsahan sa lokal nga piskal nga giplano ni Chen ang pagmabdos aron malikayan ang pagsilbi sa iyang sentensiya sa sulod sa bilanggoan.