Ayuda sa kuryente og solar energy gitanyag alang sa mga kabus nga Pilipino

Gipahibalo ni Presidente Ferdinand Marcos Jr. nga ang tanang pamilya nga ubos sa 4Ps awtomatiko na nga ma-enroll sa Lifeline Rate Subsidy aron makadawat og 100% nga diskwento sa kuryente kon ang ilang konsumo dili mulapas sa 50 kWh matag bulan.

Gipasimple sa gobyerno ang proseso pinaagi sa pagtangtang sa daghang rekisitos aron mas daghang kabos nga pamilya ang makapahimulos sa barato nga kuryente.

Gawas niini, gipaspasan usab ang implementasyon sa Solar Net-Metering Program diin gitugotan ang mga panimalay nga naay solar panels nga ibaligya ang ilang sobrang kuryente balik sa grid aron makuhaan ang ilang bayranan.