Malipayong gisaulog ni Awra Briguela ang usa ka dakong milestone sa iyang kinabuhi, ang pagkagradwar sa Senior High School, bisan pa sa mga kontrobersiyang iyang giatubang sa mailabayng mga bulan.
Sa usa ka post ni Awra online niadtong Hulyo 17, mapasalamaton siyang gipasidunggan ang suporta sa iyang showbiz mentor ug inila nga komedyante nga si Vice Ganda, diin gitawag niini og “Lovely Muder.”
Gipabati usab ni Awra ang iyang pagpasalamat kang Vice sa pagtabang sa iyang edukasyon ug sa walay puas nga pagsalig sa iyang abilidad. Mitubag ang komedyante pinaagi online comment nga nag-ingon “Congratulations! Ayaw tagda ang kasaba, pokus sa imong kadaugan.
Love you!” Mubo apan makahuluganon ang tubag ni Vice Ganda sa post ni Awra diin nagpakita kini sa iyang suporta sa rising star. Apan gikan sa malipayong selebrasyon, wala gihapon kalikayi niini ang isyu sa gender identity.
Gipadayag ni Awra ang iyang panawagan alang sa respeto sa tinuod nga gender identity, human siya gi-misgender sa usa ka social media personality nga si Jack Argota.
Bisan pa man niini, nagpadayon si Awra sa pagbarog sa iyang prinsipyo ug sa pagpakita nga dili siya mapugngan sa pag-abot sa iyang mga pangandoy.