Away mag silingan misangpot sa pagpangluba

Gipatay sa brutal nga paagi ang usa ka residente sa Valencia City human giluba sa silingan sa atubangan mismo sa panimalay niini.

Ang insidente nahitabo pasado alas-8 sa gabii, niadtong milabyang sa Purok 5, Barangay Bagontaas. Base sa imbestigasyon sa kapulisan, nagsugod ang panghitabo sa lalis tali sa biktima ug asawa sa suspek.

Sa pagkahibalo sa suspek, nikuha kini kutsilyo, giduol ang biktima nga nag-inum sa balkonahe, dayon gidunggab sa makadaghang higayon. Ang biktima nakaangkon sa lima ka samad sa tiyan ug gideklarar nga dead on arrival pasado alas-9 sa gabii.

Nagpadayon ang hot pursuit operation sa Valencia City Police aron masikop ang suspek nga miikyas human sa krimen.