Nagatuo si kanhi spokesperson, Atty. Harry Roque nga nalambigit sa paggamit sa illegal nga droga si President Ferdinand Marcos Jr. ug ang iyang asawa nga si First Lady Liza Marcos.
Gibutyag ni Roque nga kung motug-an ang mag-asawa sa ilang kalambigitan sa droga, pwede silang mopailawom sa rehabilitasyon. Matod niya, dili angay magpadayon sa paglingkod si Marcos Jr. sa pinakataas nga posisyon sa nasud kung aduna kini’y problema sa droga ug dili magpatambal.
Gipadayag ni Roque nga ang lider nga adunay isyu sa illegal nga droga mahimong makahatag ug dakong kadaut sa nasud, ilabi na sa imahe niini sa lokal ug internasyonal nga lebel.
Wala pa nagpagula og opisyal nga pahayag ang kampo sa Pangulo kabahin sa maong seryosong pasangil, ug gilauman sa katawhan ang tin-aw nga tubag gikan sa Malacañang.