Gitubag ni Atty. Levito Baligod ang gibutyag ni Ombudsman Jesus Crispin ‘Boying’ Remulla sa gikaingong ‘delivery’ sa mga maleta nga nagsugod sa wala pa ang kasamtangang administrasyon.
Sa online post sa maong abogado, miluwat kini nga gikaingong nagsilbi nga miangkon ang opisyal sa pamahayg sa kanhi mga sundalo.
Apan mikomentaryo kini nga naimpluwensyahan sa politika ni Ombudsman Remulla ang isyu human niini gipaambit sa publiko ang nadawat nga mga impormasyon.
Matud ni Atty.Baligod, nga dili makonsiderar nga ‘intelligence’ ang mga tinubdan gumikan migamit kini sa pasangil nga nakuhaan og hulagmay mga tuig na ang milabay.
Gihagit usab niini ang Ombudsman, sa pag-angkon sa mas gipakusog nga ‘deliveries’ sa mga maleta sa panahon ni Presidente Ferdinand ‘Bongbong’ Marcos Jr.
Matud niini nga ang pagbutyag niini aron dili mapasanginlan nga nagpakabuta-bungol sa mga pasangil ug gibutyag sa mga kanhi sundalo.
Kahinumdoman nga atol sa press conference, gibutyag ni Ombudsman Jesus Remulla nga usa sa mga hulagway sa ‘maleta delivery’ sa pamahayag sa grupo gikan sa panahon ni kanhi Presidente Rodrigo Duterte o kanhi House Speaker Lord Allan Velasco.
Dugang pa ni Ombudsman Remulla, nga base sa impormasyon, kwarta ang sulod sa mga maleta nga gikaingong gi-deliver.
Apan matud niini, nga nagsugod kini sa wala pa ang tuig 2022 o ang administrasyong Marcos Jr.
Bisan pa niini, gipasabot sa public watchdog nga importante gihapon sa 18 ka mga kanhi sundalo ang pagpasa sa tagsa-tagsa ka ‘testimonies’.
Gawas sa ‘joint-affidavit’ nga gidala sa buhatan, si Ombudsman Remulla, nagtuo nga kinahanglan gihapon nga mopresentar og tagsa-tagsa o managlahing testimoniya base sa personal nga kahibalo.