Gipasakaan sa negosyante nga giilang si Charlie “Atong” Ang, og kaso ang whistleblowers nga gidalahig ang iyang pangalan sa pagkawala sa mga sabungero.
Personal nga miadto sa Mandaluyong Hall of Justice ang negosyante nga si Atong Ang, uban sa iyang abogado aron mopasaka og reklamo batok sa mga pasangil nga gibutyag ni alyas ‘Totoy’ kalabot sa kaso sa mga missing sabungero.
Lakip usab niini sila Julie “Dondon” Patidongan ug Alan Bantiles, alyas “Brown”.
Ang mga nahisgutang indibidwal mag-atubang sa mga kasong attempted robbery diin lakip na ang violence ug intimidation, grave threat, grave coercion, incriminating against innocent persons ug slander.
Gikaingong naghimo matud pa og istorya si Patidongan ug Bantiles aron daoton ang pagkatao ni Ang.