Gitanyag sa kagamhanan ang ₱10 milyones nga pabuya alang sa bisan kinsa nga makahatag og kasayuran nga moresulta sa pagkasikop ni gaming tycoon Charlie “Atong” Ang, nga giila na karon isip most wanted ug fugitive from justice sa kaso sa missing sabungero.
Matod ni DILG Secretary Jonvic Remulla, gihangyo nila si Ang nga motahan ug atubangon ang seryosong mga kasong kidnapping with homicide ug kidnapping with serious illegal detention, na gituohang ania pa kini sa Pilipinas, partikular sa Luzon, samtang giila usab nga armado ug delikado.
Gikumpirma sa Department of Justice (DOJ) nga opisyal nang giila isip pugante si Ang human magpagawas og warrant of arrest ang Sta. Cruz, Laguna Regional Trial Court Branch 26, sumala ni Prosecutor General Richard Anthony Fadullon. Dugang pa ni Justice Secretary Fredderick A. Vida, bug-at ug daghan ang mga kasong giatubang sa suspek.
Samtang, gipahibalo ni PNP Acting Chief Police Lieutenant General Jose Melencio Nartatez Jr. nga gipalapdan na ang koordinasyon sa Bureau of Immigration aron mapugngan ang posibleng pagbiya sa nasod ni Ang.