Nagpakita og tukmang determinasyon ug katakos ang mga atletang Pilipino sa bag-ohay lang nga World Athletics Indoor Championships nga gipahigayon sa Toruń, Poland.
Bisan pa man og wala kini makasaka sa podium o makakuha og medalya, garbo gihapon ang ilang gipakita batok sa labing maayong mga atleta sa tibuok kalibutan.
Ang pambato sa nasud sa pole vault nga si EJ Obiena malampusong nilabang sa gitas-on nga 5.50m ug 5.70m, apan sa ikatulong pagsulay, napakyas kini ug awala maabot ang 5.85m hinungdan nga nitapos kin sa ika-9 nga dapit.
Ang maong kategoriya gidominar ni Armand Duplantis sa Sweden kinsa maoy nakakuha sa bulawan human naabot og 6.25m.
Sa laing bahin, ang uban pang mga Pinoy sprinters mihatag usab og maayong dula sa tagsa-tagsa ka mga dibisyon.
Si John Cabang Tolentino mirehistro og 7.77 segundos sa 60m hurdles ug nitapos sa ika-30 nga pwesto, apan kulang kini og gamay aron siya makaabante sa semifinals.
Samtang sa 60m sprint, si Jessica Laurance mipahiluna sa ika-37 nga pwesto uban ang oras nga 7.37 segundos, samtang si Zion Corrales Nelson nitapos sa ika-42 nga dapit.