Nakurat ang daghang katawhan sa gipakitang lihok sa bag-ong Atlas nga gihimo sa Boston Dynamics atol sa Consumer Electronics Show 2026.
Dili kini sama sa kasagarang robot nga medyo tul-id og lihok ang Atlas makabarog, makalakaw, ug makalihok nga hapsay kaayo, ug makahimo pa og sayaw nga nakuha og atensyon sa publiko.
Sumala sa kompanya, ang Atlas gibansay gamit ang AI foundation models aron mahimong mas episyente sa nagkalain-laing buluhaton sa industriya, labi na sa automotive sector.
Sa pagkakaron, dili na lang kini usa ka eksperimento sa laboratoryo kondili usa na ka production-ready humanoid robot nga andam gamiton sa aktuwal nga trabaho sa mga pabrika.
Ang pinakabag-ong bersyon niini fully electric na ug gihimo dili lang para sa research kundili alang sa komersyal nga aplikasyon.
Sa presentasyon, gipakita ang robot sa entablado nga walay special effects o computer enhancements, ug nakahimo kini og natural ug fluid nga lihok nga halos murag tawo — hinungdan nga nakasayaw kini og budots nga giila sa uban nga “superhuman”.
Lakip sa unang makagamit sa Atlas mao ang Hyundai Motor Company ug ang AI partner nga Google DeepMind, nga mitabang sa pagpalambo sa teknolohiya sa robot.