Gitataw sa Office of the Ombudsman nga ang mga kabtangan sa tanang nalambigit sa anomaliya nga kaso sa flood control projects nagpabiling frozen.
Sa usa ka pamahayag, giklaro ni Assistant Ombudsman Atty. Mico F. Clavano, nga ang wala gihapon sa posisyon sa mga respondents ang mga kwarta niini o asset sa bangko.
Apan matud pa niini, nga adunay nag-expire nga freeze order batok kanila, niinsister usab kini nga ang tanod-bayan nakakuha og asset preservation order.
Kini nagpasabot nga ang mga bank accounts magpabiling frozen subay sa civil forfeiture cases nga gisang-at batok sa mga akusado ug giimbestigahan tungod sa korapsyon.
Hinungdan nga gipasabot pa sa tigpamaba sa Office of the Ombudsman ang teknikalidad kalabot sa katuyoan sa pagpabiling ‘frozen’ sa mga bank account sa mga nalambigit.
Bisan pa sa ‘expiration’ sa ‘freeze orders’, positibong gipaambit sa opisyal ang pamaagi sa tanod-bayan aron dili na mabalik sa mga kamot sa mga ‘respondent’ ang ‘bank accounts’.
Samtang, si Ombudsman Jesus Crispin ‘Boying’ Remulla, nipasalig nga magpadayon ang imbestigasyon kalabot sa mga kontrobersyal nga flood control projects.
Gibarugan niini, nga dili na niini hisgotan ang sunod nga pasakaan og kaso apan giawhag ang publiko nga maghulat na lamang sa pagkakaron.
Bisan og wala kini direktang motubag kung adunay posibleng sunod nga kasohan, miluwat kini og mga pasingit nga karong ting-init nga laoman mahimong mas muinit ang mga hisgutan.