Gikumpirma ni Ombudsman Boying Remulla nga duna na silay giandam nga arresting team para sa mga tawo nga isyuhan og warrant sa korte. Matod pa niya, kinahanglan arestuhon dayon ang bisan kinsa basta duna nay mando gikan sa balaod. Giklaro usab niya nga ang iyang naunang pamahayag bahin niini ngadto kang Senador Tito Sotto usa lamang ka komedya ug dili angayng kahadlokan.
Dugang pa niana, gitawag ni Remulla nga “pamulitika” ang kalit nga pag-usab sa rekomendasyon sa Senate Blue Ribbon Committee bahin sa anomalya sa flood control. Imbes nga pasakahan og kaso, giusab kini sa Senado ngadto sa pagpa-imbestigar na lang nilang Senador Chiz Escudero, Joel Villanueva, ug uban pa. Para sa Ombudsman, basin duna nay personalay o negosasyon nga nahitabo luyo niining mga kausaban.